Pasa dira Maiatzeko komunioak, ekaineko ospakizunak, baita Santiago, Santa Ana eta San Joakin ere!
Urtearen parte hau izaten da sendoena, bortitzena eta azkarren pasatzen zaidana.
Guzti honen ondoren, berriz ere asti geixeago daukat burua berotzeko.
Bitarte honetan, krisi ekonomikoak duela 2 urte imajinaziotik pasa ere egiten ez zitzaizkigun ondorioak ari da ekartzen. Estatuak daude beraien zorrari buelta eman ezinik, eten gabeko azkundea utopia bat edo obe esanda, gezur bat besterik ez dela erakutsiz.
Bitartean gu, piramidearen azpialdean gaudenak, ahal duguna egiten gabiltza, eguneroko ekinari utzi gabe, egoera honek gure eguneroko bizitzan, ahal den eragin gutxiena izan dezan.
Egia ote da, estatuek eta bankuek porrot egiten badute, gu okerrago biziko garela?
